बुधवार , जेठ २७, २०८३
सिन्धुली,२७ जेठ — बालकको ज्यान गएको ट्याक्टर दुर्घटना प्रकरणमा फरार रहेका प्रतिवादीलाई प्रहरीले तीन वर्षपछि पक्राउ गरेको छ ।
जिल्ला प्रहरी कार्यालय सिन्धुलीका अनुसार २०८० जेठ १६ गते साँझ करिब ७ः३० बजे कमलामाई नगरपालिका–२ बोहोरेस्थित बोहोरेटारबाट गढीतर्फ जाँदै गरेको ज.१.त. ९९४१ नम्बरको मकै लोड गरिएको ट्याक्टर दुर्घटनामा परेको थियो । दुर्घटनाका क्रममा ट्याक्टरको इन्जिन र ट्रली (टेलर) जोडिएको भाग भाँचिएपछि सवारी साधन अनियन्त्रित बनेको थियो । उक्त दुर्घटनामा ट्याक्टरमा सवार एक बालकको मृत्यु भएको प्रहरीले जनाएको छ ।
घटनापछि फरार रहेका प्रतिवादी कमलामाई नगरपालिका–२ निवासी २१ वर्षीय मानबहादुर विकलाई प्रहरीले पक्राउ गरेको हो । प्रहरीका अनुसार २०८३ जेठ २४ गते बिहान करिब १०ः१५ बजे प्रहरी चौकी अमलेबाट खटिएको प्रहरी टोलीले उनलाई बाटोमा हिँडिरहेको अवस्थामा नियन्त्रणमा लिएको थियो ।
पक्राउ परेका विकलाई आवश्यक कानुनी कारबाहीका लागि जिल्ला प्रहरी कार्यालय सिन्धुलीमा ल्याएर राखिएको प्रहरीले जनाएको छ ।
जिल्ला प्रहरी कार्यालय सिन्धुलीद्वारा जारी सूचनामा सूचना अधिकारी प्रहरी नायव उपरीक्षक विजय श्रेष्ठले फरार प्रतिवादीलाई पक्राउ गरी थप अनुसन्धान तथा आवश्यक प्रक्रिया अगाडि बढाइएको जानकारी दिएका छन् ।
बालकको मृत्यु भएको उक्त दुर्घटनासम्बन्धी मुद्दामा लामो समयदेखि फरार रहेका प्रतिवादी पक्राउ परेसँगै घटनाको कानुनी प्रक्रियाले थप गति लिने अपेक्षा गरिएको प्रहरी प्रहरीले जनाएको छ ।
© 2026 All right reserved to sindhulisaugat.com
Design & Developed By
