सोमवार , कार्तिक २४, २०८२
सिन्धुली,२४ कात्तिक — मधेस प्रदेशको राजनीतिले भित्र्यायो नाटकीय मोड । प्रदेश प्रमुख सुमित्रा सुवेदी भण्डारीले सोमबार बिहान जनकपुर छोडी काठमाडौँ तर्फ प्रस्थान गरेकी घटना छ । स्वास्थ्यसम्बन्धी समस्या बहाना गरेर जाँदै उनले बीच बाटोमै सिन्धुलीको एक होटलमा बसेर सरोज यादवलाई मुख्यमन्त्री पदको शपथ खुवाएकी हुन् ।
उक्त शपथ ग्रहण समारोह संविधानको धारा १६८(३)अनुसार सम्पन्न भएको हो । यादव प्रदेश सभामा सबैभन्दा ठूलो दलका नेता भएकाले नयाँ मुख्यमन्त्री बनेका हुन् । भण्डारी कार्यालय नियमित रुपमा जनकपुरमा नभई काठमाडौँतर्फ हिँडेकी थिइन् भन्ने आरोप पूर्व मुख्यमन्त्री जितेन्द्र सोनलले लगाएका छन् ।
यादवले शपथ पश्चात् बताएका छन् – “जनकपुरस्थित अवस्थाले सहजता दिएन । विरोध प्रदर्शन भइरहेकाले सिन्धुलीमा शपथ कार्यक्रम राखिएको हो ।” यो घटनाले मधेस प्रदेशको राजनीतिक सन्तुलन र अस्थिरताको संकेत दिएको छ ।
सोनलले सामाजिक सञ्जालमा लेखेका छन, “मधेस प्रदेशका जनतासँग धोका भयो । स्वास्थ्य उपचारको नाममा निस्केकी प्रदेश प्रमुखले सिन्धुली–महोत्तरी सिमानाका होटलमा प्रदेशको अस्मितालाई समाप्त पार्ने खेल गरिन् । महिला भएर अर्को स्वास्थ्यको छलका लगाइन् ।”
अहिले यो घटनाले प्रदेशको राजनीतिक नेतृत्व मात्रै होइन, प्रदेश प्रमुखको भूमिका र प्रक्रियाको आधिकारिकता माथि पनि प्रश्न खडा गरेको छ । आगामी दिनमा नयाँ मुख्यमन्त्रीले विश्वासको मत सुनिश्चित गर्नुपर्ने हुने भएकाले थप राजनीतिक चुनौतीहरू देखिएका छन् ।
© 2026 All right reserved to sindhulisaugat.com
Design & Developed By
