आज बिस २०८३ असोज २१ गते बुधबार ईस २०२६ अक्टोबर ७ नेपाल सम्बत ११४६ ञलागा द्वादशी, रौद्र नाम संवत्सर सूर्य दक्षिणायन, शरद ऋतु, असोज कृष्ण पक्ष द्वादशी, चन्द्रमा सिंह राशिमा, मघा नक्षत्र, शुभ योग, कौलव करण । आज नेपालमा सुर्योदय बिहान ५ बजेर ५९ मिनेटमा र सूर्यास्त साँझ ५ बजेर ४३ बजे हुनेछ । आज जन्म लिने बच्चा सिंह राशीको हुनेछ ।

♈ मेष (चु, चे, चो, ला, लि, लु, ले, लो, अ) :- आज आवश्यक कामका लागि छोटो यात्रा गर्नुपर्ने अवस्था आउन सक्छ। बोलचालबाट रोकिएको एउटा कामले बाटो पाउनेछ। दाजुभाइ वा साथीबाट उत्साहजनक साथ पाइनेछ

♉ वृष (इ, उ, ए, ओ, वा, वि, वु, वे, वो):- आज कमाइको रकमलाई सही ठाउँमा राख्ने सोच बन्नेछ। घरमा प्रयोग नभएका सामान हटाउँदा वातावरण खुला लाग्नेछ। खर्चसम्बन्धी एउटा पुरानो बानी परिवर्तन गर्ने अवसर मिल्नेछ।

♊ मिथुन (का, कि, कु, घ, ङ, छ, के, को, ह):-    आज चन्द्रमाको प्रभावले बोल्ने शैली र निर्णय क्षमता तीखो बन्नेछ। एकैपटक धेरै कुरा समात्दा ध्यान छरिन सक्छ, त्यसैले प्राथमिकता छुट्याउनुहोस्। भेटघाटबाट आफूलाई उपयोगी लाग्ने सूचना हात पर्नेछ।

♋ कर्कट (हि, हु, हे, हो, डा, डि, डु, डे, डो):-  आज भित्रैदेखि सोचिरहेको एउटा निजी विषयमा स्पष्टता आउनेछ। घरको काममा तपाईंको पहलले अरूलाई पनि सहज बनाउनेछ। आरामको कमी महसुस भए शरीरलाई समय दिनुहोस्।

♌ सिंह (मा, मि, मु, मे, मो, टा, टि, टु, टे):-    आज तपाईंको बोलीले कुनै भेटघाटमा विशेष प्रभाव पार्नेछ। रोकिएको भुक्तानीबारे सकारात्मक खबर आउन सक्छ। प्रेममा हाँसो र खुलापनले सम्बन्धलाई हलुका बनाउनेछ। 

♍ कन्या (टो, पा, पि, पु, ष, ण, ठ, पे, पो):-     आज हिसाबकिताबमा छुटेको विवरण फेला पर्नेछ। कागजी काम सकेर राख्दा पछि हुने झन्झट घट्नेछ। सिकाइ वा पढाइसँग सम्बन्धित कुरामा ध्यान राम्रो जानेछ। 

♎ तुला (रा, रि, रु, रे, रो, ता, ति, तु, ते):-  आज नयाँ परिचयले सामाजिक घेरा फराकिलो बनाउनेछ। साझेदारीको विषयमा आफ्ना कुरा स्पष्ट राख्नु आवश्यक छ। प्रिय व्यक्तिसँगको रमाइलो प्रसंगले पुरानो तनाव हटाउनेछ। 

♏ वृश्चिक (तो, ना, नि, नु, ने, नो, या, यि, यु):-     आज लामो समयदेखि उपयोग नभएको सीप फेरि काममा आउनेछ। जिम्मेवारी पूरा गर्ने क्रममा तपाईंको दक्षता देखिनेछ। आर्थिक निर्णयमा अरूको दबाबभन्दा आफ्नो हिसाबलाई आधार बनाउनुहोस्। 

♐ धनु (ये, यो, भा, भि, भु, धा, फा, ढा, भे):- आज टाढाको ठाउँबाट आएको खबरले नयाँ योजना बनाउन प्रेरित गर्नेछ। यात्रा भए आवश्यक कागजात साथमा राख्नुहोस्। प्रेममा दूरी भए पनि संवादले नजिकपन कायम राख्नेछ। 

♑ मकर (भो, जा, जि, खि, खु, खे, खो, गा, गि):- आज धेरै जिम्मेवारीबीच प्राथमिकता छुट्याउन सफल हुनुहुनेछ। घरको कुनै महत्वपूर्ण निर्णयमा तपाईंको रायलाई महत्व दिइनेछ। बचत बढाउने व्यावहारिक उपाय भेटिनेछ। 

♒ कुम्भ (गु, गे, गो, सा, सि, सु, से, सो, द):- आज प्रविधिसँग जोडिएको नयाँ जानकारी तुरुन्तै उपयोगी बन्नेछ। सामाजिक कुराकानीमा सुनेको विषयलाई भविष्यको योजनामा प्रयोग गर्न सकिनेछ। व्यक्तिगत सम्बन्धमा खुलेर कुरा गर्दा गलत बुझाइ हट्नेछ।

♓ मीन (दि, दु, थ, झ, ञ, दे, दो, चा, चि):-  आज अधुरो रहेको व्यक्तिगत योजनालाई फेरि अघि बढाउने ऊर्जा प्राप्त हुनेछ। आर्थिक विषयमा दीर्घकालीन सोच बनाउनु राम्रो हुन्छ। आत्मीय व्यक्तिसँग बिताएको शान्त समयले भावनालाई सन्तुलित राख्नेछ। 

🙏 राशिफल जे जस्तो भएपनि तपाईंको दिन मंगलमय रहोस्। “अवसर आफैं आउँदैन, सही समयमा सही कदम चाल्ने व्यक्तिले अवसर सिर्जना गर्छ।”
  शुभ दिन!