• बिहिबार, फाल्गुन १५, २०७६
  • Thursday 27th February 2020

नेपालमा पनि कोरोना भाइरसको संक्रमण भेटियो

प्रकाशित मिति : शुक्रबार, माघ १०, २०७६

सिन्धुली साैगात संवाददाता

काठमाडौं,१० माघ- चीनमा कोरोना भाइरसको महामारी फैलिएपछि उच्च सतर्कता अपनाउन सरकारले सबै जनतालाई बताएको छ । तर, नेपालमा कोरोना भाइरसको संक्रमण भेटिएको पुष्टि भएको छ । चीनबाट नेपाल आएका एक विद्यार्थीको स्वास्थ्य परीक्षणमा कोरोना भाइरसको संक्रमणको पुष्टि भएको स्वास्थ्य मन्त्रालयलले शुक्रबार पत्रकार सम्मेलनमा जानकारी दिएको छ ।

शुक्रबार बिहानसम्म चीनमा यस भाइरसका कारण प्रभावित भएका भनिएका चीनका नौ ओटा शहरुमा सार्वजनिक यातायातको आवतजावत रोक्नुका साथै मानिसहरुका अत्यावश्यक बाहेकका सेवाहरु पनि रोकेको थियो ।

अधिकारीहरुले यहाँका ३ करोड २० लाख व्यक्ति प्रभावित भएको चिनियाँ स्वास्थ्य क्षेत्रका अधिकारीहरुले जानकारी दिएका थिए ।

हुबेई प्रान्तमा जिङ्गजोउ अधिकारीहरुका अनुसार शहरबाट छुट्ने सबै रेल सेवाहरु शुक्रबार बिहानबाट बन्द भएका छन् । त्यसैगरी सार्वजनिक बस, यातायातका अन्य साधनहरु, पर्यटन बस, डुङ्गा आदिलाई अस्थायी रूपमा सञ्चालन पनि रोकिने बताइएको छ ।