पौडी खेल्ने क्रममा सुनकोशी नदीमा डुबेर एक युवा बेपत्ता

सिन्धुली साैगात संवाददाता २०७६ जेठ ३० गते बिहीवार सिन्धुली

 

सिन्धुलीको सुनकोसी गाउँपालिका–२ कुशेश्वर दुम्जा कुशेश्वर मन्दिर नजिकै सुनकोसी नदीमा डुबेर एकजना वेपत्ता भएका छन् ।

 

काठमाडौंको किर्तिपुर नगरपालिकाका अन्दाजी २५ वर्षीय अमृत लामा आज पौडि खेल्ने क्रममा वेपत्ता भएको जिल्ला प्रहरी कार्यालय सिन्धुलीले जनाएको छ । काठमाडौंबाट सिन्धुलीको कुशेश्वर मन्दिर घुम्न आएका लामा सहित ४ जना साथीहरु सहित सुनकोसी नदीमा पौडी खेल्ने क्रममा लामा वेपत्ता भएका हुन् ।

 

उनी सङ्गै पौडी खेल्न गएका अन्य साथीहरुले साथी हराएको जानकारी गराए पछि प्रहरी र स्थानीयले खोजी कार्य जारी राखेका जिल्ला प्रहरी कार्यालय सिन्धुलीका प्रमुख प्रहरी उपरिक्षक चक्रबहादुर सिंहले बताए ।

 

प्रहरी चौकी कुशेश्वर दुम्जाका प्रहरी नायव निरीक्षकको टोली र स्थानीयले उनको खोजी कार्य जारी राखेको सिंहले बताए । लामासँगै पौडी खेल्न गएका अन्य सकुशल रहेको प्रहरीले जानकारी दिएको छ ।

Nic Asia Bank-750X100-SinglePage Below Facebook Comment Ad
Top