अनमोलले गीत गाउँदा  सुहाना झुमिन्…भिडियो हेर्नुस

सिन्धुली साैगात संवाददाता २०७५ चैत २८ गते बिहीवार काठमाडौं

 

 

 

 

भोली शुक्रबारदेखि रिलिज हुन लागेको चलचित्र ‘ए मेरो हजुर ३’को शिर्ष गीत सार्वजनिक गरिएको छ । रिलिजको एक दिन अगाडि सार्वजनिक गरिएको भिडियोको मेकिङ उत्कृष्ट छ । प्रताप दासको स्वर, प्रतिक पौडेलको शब्द, प्रतिक पौडेल र पुष्पन प्रधानको संगीत रहेको यो गीतले चलचित्रका मुख्य दुई पात्र नायक अनमोल केसी र नायिका सुहाना थापाको भूमिका दर्शाउँछ ।

 

नायक अनमोल केसीले कन्सर्टमा गीत गाउँदा उनको फ्यान बनेर पुगेकी सुहाना थापाको उत्साहलाई गीतमा देखाइएको छ । गीतको भिडियोलाई निकै मिहिनेतका साथ खिचिएको प्रष्ट हुन्छ । संजय लामाको छायांकन रहेको यो चलचित्रमा दिर्घ खड्काको सम्पादन, हिमाल केसीको एक्सन रहेको चलचित्रमा कविराज गहतराज, रामजी लामिछाने, प्रविण सिंह र राहुल शाहको कोरियोग्राफी छ ।

 

 

चलचित्रमा छेतन गुरुङ, बाबुराम दाहाल, सुमन पौडेल र प्रतिक पौडेलको पटकथा तथा संवाद छ । झरना थापाले यो चलचित्रको निर्देेशन गरेकी हुन् । चलचित्रको बुकिङ मल्टिप्लेक्सले खुलाइसकेका छन् । यो गीतले पनि चलचित्रप्रति दर्शकको उत्साहलाई बढाउने पक्का छ ।

 

भिडियो हेर्नुस :-

 

Nic Asia Bank-750X100-SinglePage Below Facebook Comment Ad
Top