टीकापुर हत्याकाण्डका मुख्य अभियूक्त चौधरीले लिए सपथ

सिन्धुली साैगात संवाददाता २०७५ पुस १९ गते बिहीवार काठमाडौं

 

टीकापुर हत्याकाण्डका मुख्य अभियुक्त रेशम चौधरीले प्रतिनिधी सभा सदस्यको पद तथा गोपनियताको सपथ लिएका छन् । चौधरीले थारु भाषामा पद तथा गोपनियताको सपथ लिएका हुन् ।

 

 

आज अभियूक्त चौधरीलाई सभामुख सभामुख कृष्णबहादुर महराले पद तथा गोपनीयताको शपथ ग्रहण गराएका हुन । चौधरी प्रतिनिधिसभाको निर्वाचनमा कैलाली क्षेत्र नम्बर १ बाट राष्ट्रिय जनता पार्टी (राजपा)को तर्फबाट निर्वाचित भएका सांसद हुन् ।

 

२०७२ भदौ ७ गते कैलालीको टीकापुरमा भएको निर्मम हत्या काण्डका मुख्य अभियुक्तका रुपमा रहेका चौधरीले पद तथा गोपनीयताको सपथ लिँदै आफु निर्दाेष भएको कुरा जनमतले पुस्टि गरेको बताएका छन् ।

 

चौधरीले सपथ खुवाएपछि सांसदलाई जेल पठाउन मिल्छ कि मिल्दैन भनी प्रश्न गरेका छन् । ‘‘यो लोगो सांसदको लोगो हो । एकजना सांसदलाई सपथ खुवाएर कारागारमा पठाउन मिल्छ कि मिल्दैन ?’’ उनले भने ‘‘यो लोगोको सम्मान के हो ? यो लोगो हामी सम्पूर्ण प्रतिनिधि र राष्ट्रियसभामा सहभागी हुने सदस्यको कत्तिको इज्जत राख्छ राज्यले बोल्ला, संसदले बोल्ला ।’’

 

आफू माला र खादा लगाएर फेरि जेल जानुपर्ने भन्दै उनले प्रश्न गरे ।‘ ‘मैले लगाएको लोगोको प्रतिष्ठा कति रहन्छ कति रहन्न ?’’

 

नेपाली कानूनमा कुनै पनि व्यक्तिलाई साढे ३ वर्षसम्म पुर्पक्षका लागि थुनामा राख्न नपाइने भए पनि आफूहरु जेलमा बसिरहेको भन्दै चौधरीले यो मुद्दा छिटो भन्दा छिटो टुंग्याउन आग्रह गरे । आफूले द्वन्द्व नचाहेको भन्दै उनले जनताले न्याय नपाएसम्म समृद्धि नआउने बताए । ‘शान्ति नभई समृद्धि बन्न सक्दैन । समृद्धि बनाउन जनतालाई न्याय दिनुपर्छ’ उनले भने ।

 

प्रवासमा पकौडा खाएर बस्नुभन्दा आफ्नै देशको दालभात तरकारी मन परेर जेल बस्न आएको उनले बताए । ‘मलाइ मेरै देशको दालभात तरकारी मन प यो र जेलमा बन्द भएँ । जेलमा पनि सर्वसाधारण कैदीको जीवनयापन गरिरहेको छ’ उनले भने ।

 

टीकापुर घटनामा एसएसपी लक्ष्मण न्यौपानेसहित आठ सुरक्षाकर्मी र एक दुधे बालकको हत्या भएको थियो ।

 

चौधरी फरार रहेकै बेला निर्वाचन लडेका थिए । उनलाई सपथपछि पुनः उनलाई डिल्लीबजार कारागार लगिएको छ ।

 

Nic Asia Bank-750X100-SinglePage Below Facebook Comment Ad
Top