सन्दिप लामिछानेले अब भने आईपीएल खेल्न पाउने

सिन्धुली साैगात संवाददाता २०७४ चैत २९ गते बिहीवार काठमाडौं

 

इन्डियन प्रिमियर लिगमा सन्दीप लामिछानेको टिम दिल्ली डेयरडेभिल्सले लगातार दोस्रो हार ब्यहोरेको छ । हिजो जयपुरमा भएको खेलमा दिल्ली राजस्थानसँग डकवर्थ एण्ड लुइस नियमका आधारमा १० रनले पराजित भएको हो ।

 

टस हारेर ब्याटिङको निम्तो पाएको राजस्थानले १७ ओभर ५ बलमा ५ विकेट गुमाउँदै एक सय ५३ रन बनाएको अवस्थामा वर्षा भएपछि खेल राकिएको थियो । राजस्थानका लागि कप्तान अजिन्क्या राहानेले ४५ तथा सन्जु सामसनले ३७ र जोस बटलरले २९ रनको योगदान गरे । यस्तै बेन स्टोकले १६ रन थपे ।

 

त्यसपछि लामो समय पानी परेपछि दोस्रो इनिङको खेल ६ ओभरमा झारिएको थियो । जवाफमा ६ ओभरमा ७१ रनको लक्ष्य पाएको दिल्लीले ४ विकेट गुमाउँदा ६० रन मात्र बनाउन सक्यो । उसका लागि ग्लेन म्याक्सवेल र क्रिस मोरीसले समान १७ – १७ रन बनाए भने ऋसब पन्तले २० रन जोडे ।

 

दिल्लीको यो लगातार दोस्रो हार हो । दिल्लीले लगातार हार ब्यहोरेपछि भने नेपालका संदिप लामिछाने टिममा पर्ने सम्भावना भने प्रवल बनेको छ । दिल्लीमा अहिले विदेशी खेलाडीहरुले राम्रो खेल्न नसकेपछि भने उनी टिममा पर्ने सम्भावना बढेको हो ।

Nic Asia Bank-750X100-SinglePage Below Facebook Comment Ad
Top